就算Last Day Last到麻木,都要有幾件事要記得清楚: 1.Farewell電郵記得午飯時間寄 尤其大公司,或同事會在外周街走不常在辦公室,或電郵特多行業,等班人有時間望得切,好讓「禮貌性地」講捨不得類的矯情話,亦讓真正有心人來合影個遺照。 2.Farewell電郵記得 To 自己私人電郵 原因:一來確認電郵確實收到,二來令人家有個聯絡(為日後生意、轉工、甚至感情發展啦)。 3.Farewell電郵記得BCC其他人 千奇千奇千奇不要犯低級錯誤,多謝。當然喇,有用要聯絡的電郵自己備份吧。 4.Farewell電郵就算唔型,都要做個讓矯情(用英文係冇咁骨痹) 大大話話收過數以百計Farewell電郵,令人有印象的寥寥無幾。寫到詩一樣的有,寫到不斷多謝人但遺漏一兩個的更多,為免尷尬,早點寫,或盡量精簡也是好。 5.散水餅隨心,我意思係可有可無(睇關係) 睇公司文化、職位高低、銀根幾多吧,多半人都心不甘情不願㗎喇,真的不想,就不要勉強。初出茅廬,或只想做個形式的話,蛋撻最穩陣。如果以前做野食落好多屎,想臨走請人食真屎的話,我勸你都係唔好,畢竟你好難確保當日產出足夠份量比大家分。 6.早幾日執齊私人物品,那Last Day就可以瀟灑地輕輕的走了 好些公司除了Farewell Lunch,有些還會Farewell Drink/Dinner,無謂臨走一袋二袋論論盡盡出街走吧。 8.清空電腦 嗱,公司野寄比自己、用公司電郵登記高登戶口、用公司電腦上Facebook等等絕絕絕絕絕不值得鼓勵。部門呀頭理論上,可請IT部抄送成個Outlook去自己電腦以備日後尋找資料的。若果你不想有人在你電腦看到見不得光的事,好應記得臨走刪除:Download文件夾中的檔案、某些電郵、所有瀏覽器的Cookies/History/Cache/Login Credentials。 9.交接好來好去,可以的話。如果關係差的,就去舉中指好了,打人呢家嘅唔好比人見 世界好細,山水有相逄,做人留一線,日後唔想見都好,無謂遺臭萬年。當然如果不得不發洩心頭之恨,又確定可以威番轉,去「善意問候」賤人都值得鼓勵的。 (係咪漏咗7?係呀睇漏野好煩,Last Day記得列清楚To do list/還齊野/收齊錢,否則,輕輕的你走了,卻隔兩日回去執手尾就真係7喇。個List有漏嘅話我知。) |
Last Day Bye Bye你條尾之前的Checklist
![](http://29doctor.com/wp-content/uploads/2019/11/02-goodbe-Things-to-Always-Do-on-Your-Last-Day-of-Work-167184884-Robert-Daly-ft.jpg)
Leave a Reply